gale milnaa na milnaa to teri marzi hai lekin tere chehre se lagta hai teraa dil kar raha hai

ghar men ghushta hooñ to lagta hai ki registaan hai mere ik kamre men saare shahar bhar kii gard hai

koi deewaana kahtaa hai koi paagal samajhta hai magar dharti ki bechaini ko bas baadal samajhta hai

meri duniya men koi cheez thikaane pe nahin bas tujhe dekh ke lagta hai ki sab achha hai

teraa chehra subh ka taara lagta hai subh ka taara kitna pyaara lagta hai tum se mil kar imli meethi lagti hai tum se bichhad kar shahad bhi khaara lagta hai

ye kaise malbe ke neeche daba diya gayaa hooñ mujhe badan se nikaalo main tang aa gayaa hooñ

nahin nahin main bahut KHush raha hooñ tere baghair yaqeen kar ki ye haalat abhii abhii hui hai

ik chubhan hai ki jo bechain ki.e rahtii hai aisa lagta hai ki kuchh toot gaya hai mujh men

Khushbu tha main bikharna mera ikhtisaas tha

kisi aahat men aahat ke siva kuchh bhi nahin ab kisi soorat men soorat ke siva kya rah gaya hai