tum poochho aur main na bataaun aise to haalaat nahin ek zaraa sa dil toota hai aur to koi baat nahin

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

sochun to saari umr mohabbat men kat gaii dekhooñ to ek shaKHs bhi meraa nahin hua

kya khabar kaun tha vo aur meraa kya lagta tha jisse milkar mujhe har shaKHs bura lagta tha

use kisi se mohabbat thii aur vo main nahin tha ye baat mujhse zyaada use rulaati thii

ye kaise malbe ke neeche daba diya gayaa hooñ mujhe badan se nikaalo main tang aa gayaa hooñ

kisi aahat men aahat ke siva kuchh bhi nahin ab kisi soorat men soorat ke siva kya rah gaya hai

nahin nahin main bahut KHush raha hooñ tere baghair yaqeen kar ki ye haalat abhii abhii hui hai

ye ham hi hain ki kisi ke agar hue to hue tumhaara kya hai koii hogaa koii tha koii hai

ik chubhan hai ki jo bechain ki.e rahtii hai aisa lagta hai ki kuchh toot gaya hai mujh men