tujhko chhoo kar aur kisi kii chaah rakhen hairat hai aur laanat aise haathon par

teri nigaah-e-naaz se chhoote hue darakht mar jaayen kya karen bataa sukhe hue darakht hairat hai ped neem ke dene lage hain aam pagla ga.e hain aapke choo men hue darakht

vo mere chehre tak apni nafraten laaya to tha maine uske haath choo men aur bebas kar diya

haal ye hai ki apni haalat par gaur karne se bach raha hooñ main

ham apni jaan ke dushman ko apni jaan kahte hain mohabbat ki isee miTTi ko hindustan kahte hain

mujh se raston ka bichadna nahin dekha jaata mujh se milne vo kisi mod pe aaya na kare

hamaari subah kisi shaam se nahin milti ye vo thakan hai jo aaraam se nahin milti

vo haal tha ki bas mira uthna muhaal tha lekin phir ek KHvaab ki takmeel se utha

haal poocha na kare haath milaaya na kare main isee dhoop men KHush hooñ koi saaya na kare