kamre men cigaretteon ka dhuaan aur teri mahak jaise shadeed dhundh men baagon ki sair ho

ek awaaz pe aa jaati hai daudi daudi dasht-o-sehra-o-bayaaban nahin dekhti hai dosti dosti hoti hai tumhein ilm nahin dosti faayda nuksaan nahin dekhti hai

mujh...ko kis dasht se laai thii kahaan chhod gaii in hawaon se koi poochne vaala bhi nahin

hain dafn dil men jo raaz saare milo to tum par ayaan karunga tamaam chaahat tamaam ulfat tamaam hasrat bayaañ karunga hai ek jungle hamaare bheetar jo ik sadi se sulag raha hai KHushi ka chhalaka kabhi jo aañsu bujha ke isko dhuaan karunga

shaam bhi thii dhuaan dhuaan husn bhi tha udaas udaas dil ko kaii kahaaniyaan yaad si aa ke rah gaiin

is jahaan men to apna saaya bhi raushni ho to saath chaltaa hai

sirf zinda rahne ko zindagi nahin kahte kuchh gham-e-mohabbat ho kuchh gham-e-jahaan yaaro