khu dii ko kar buland itnaa ki har taqdeer se pahle KHuda bande se KHud pooche bataa teri raza kya hai

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

shaakhon se toot jaayen vo patte nahin hain ham aandhi se koi kah de ki auqaat men rahe

teri soorat se hai aalam men bahaaron ko sabaat teri aankhoñ ke siva duniya men rakha kya hai

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

gar doobna hi apna muqaddar hai to suno doobenge ham zaroor magar nakhuda ke saath

apna pata mile na khabar yaar kii mile dushman ko bhi na aisi saza pyaar kii mile un ko KHuda mile hai KHuda kii jinhen talash mujh ko bas ik jhalak mere dildaar kii mile

muddat ke baad us ne jo ki lutf ki nigaah jee KHush to ho gaya magar aañsu nikal pade

gurbat ki thandi chaanv men yaad aayi us ki dhoop qadr-e-watan hui ha men tark-e-watan ke baad

itnaa to zindagi men kisi ke khalal pade hansne se ho sukoon na rone se kal pade