us ladki se bas ab itnaa rishta hai mil jaa.e to baat wagaira karti hai baarish mere rab ki aisi nemat hai rone men aasaani paida karti hai

koi itnaa pyaara kaise ho saka hai phir saare ka saara kaise ho saka hai tujhse jab milkar bhi udaasi kam nahin hoti tere baghair guzaara kaise ho saka hai

mere honton pe apni pyaas rakh do aur phir socho ki is ke baa'd bhi duniya men kuchh paana zaroori hai

ab uski shaa dii ka qissa na chhedo bas itnaa kah do kaisi lag rahi thii

uski zulfen udaas ho jaa.e is-qadar roshni bhi theek nahin tumne naaraz hona chhod diya itni naarazgi bhi theek nahin

us ko ruksat to kiya tha mujhe maaloom na tha saara ghar le gaya ghar chhod ke jaane vaala

zindagi ka muqaddar safar-dar-safar aakhiri saans tak be-qaraar aadmi

tum se chhut kar bhi tumhein bhoolna aasaan na tha tum ko hi yaad kiya tum ko bhulaane ke li.e

yahii hai zindagi kuchh KHvaab chand ummeedein inheen khilauno se tum bhi bahl sako to chalo

yahaañ kisi ko koi raasta nahin deta mujhe giraa ke agar tum sambhal sako to chalo