tariqe aur bhi hain is tarah parkha nahin jaata charaaghon ko hawa ke saamne rakha nahin jaata mohabbat faisla karti hai pahle chand lamhon men jahaan par ishq hota hai vahaañ socha nahin jaata

log har mod pe ruk ruk ke sambhalte kyun hain itnaa darte hain to phir ghar se nikalte kyun hain mod hota hai jawaani ka sambhalne ke li.e aur sab log yahiin aa ke fisalte kyun hain

ab uski shaa dii ka qissa na chhedo bas itnaa kah do kaisi lag rahi thii

khu dii ko kar buland itnaa ki har taqdeer se pahle KHuda bande se KHud pooche bataa teri raza kya hai

hazaar ishq karo lekin itnaa dhyaan rahe ki tum ko pahli mohabbat ki baddua na lage

na aaya gham bhi mohabbat men saazgaar mujhe vo KHud tadap ga.e dekha jo be-qaraar mujhe

ajab andaaz ke shaam-o-sehar hain koi tasveer ho jaise adhuri

jab zaraa raat hui aur mah o anjum aa.e baar-ha dil ne ye mehsoos kiya tum aa.e

farq itnaa hai ki tu parde men aur main be-hijaab warna main aks-e-mukammal hooñ tiri tasveer ka

guncha o gul maah o anjum sab ke sab bekar the aap kya aa.e ki phir mausam suhaana aa gaya