kuchh baat hai ki hasti mitati nahin hamaari sadiyon raha hai dushman daur e zamaan hamaara

jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai

ye dukkh alag hai ki usse main door ho raha hooñ ye gham juda hai vo KHud mujhe door kar raha hai tere bichhurne par likh raha hooñ main taza ghazlen ye teraa gham hai jo mujh...ko mashhoor kar raha hai

tu kisi aur hi duniya men mili thii mujhse tu kisi aur hi mausam ki mahak laai thii dar raha tha ki kahii zakham na bhar jaayen mere aur tu mutthiyaan bhar-bhar ke namak laai thii

ghar men bhi dil nahin lag raha kaam par bhi nahin ja raha jaane kya KHauf hai jo tujhe choom kar bhi nahin ja raha raat ke teen bajne ko hai yaar ye kaisa mahboob hai jo gale bhi nahin lag raha aur ghar bhi nahin ja raha

khaak ho jaayenge ham khaak men mil kar teri tujhse rishta na kabhi arze watan tootega

vafaa ka zor agar baazuon men aa jaaye charaaghhh udta hua jugnuon men aa jaaye khiraaje ishq kahii ja ke tab ada hogaa hamaara KHoon agar aañsuon men aa jaaye

garebaan chaak dhuaan jaam haath men cigarette shab-e-firaq ajab haal men pada hua hooñ

musaafiron ke dimaagon men dar ziyaada haina jaane vaqt hai kam ya safar ziyaada hai