bansi sab sur tyaage hai ek hi sur men baaje hai haal na poochho mohan ka sab kuchh radhe radhe hai

hua hi kya jo vo ha men mila nahin badan hi sirf ek raasta nahin ye pehla ishq hai tumhaara soch lo mere li.e ye raasta naya nahin

tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

bade naadaan ho tum bhi zara samjha karo baatein gale milkar jo roti hai bichhadkar kitna royegi

vafaa ka zor agar baazuon men aa jaaye charaaghhh udta hua jugnuon men aa jaaye khiraaje ishq kahii ja ke tab ada hogaa hamaara KHoon agar aañsuon men aa jaaye

itni dilkash thii guftagoo uski chaai ka cup bhi sun raha tha use

musaafiron ke dimaagon men dar ziyaada haina jaane vaqt hai kam ya safar ziyaada hai

garebaan chaak dhuaan jaam haath men cigarette shab-e-firaq ajab haal men pada hua hooñ