sabhi ka KHoon hai shaamil yahaañ ki miTTi men kisi ke baap ka hindustan thodii hai

vo dulhan ban ke ruksat ho gaii hai kahaan tak car ka peecha karoge

haath khaali hai tere shahar se jaate jaate jaan hoti to meri jaan lutate jaate

use kisi se mohabbat thii aur vo main nahin tha ye baat mujhse zyaada use rulaati thii

teraa banta tha ki tu dushman ho apne haathon se khilaaya tha tujhe teri gaali se mujhe yaad aaya kitne taano se bachaaya tha tujhe

lutate hain vo daulat husn ki baawar nahin aata ha men to ek bosa bhi badi mushkil se milta hai

aañsu hamaare gir ga.e un ki nigaah se in motiyon ki ab koi qeemat nahin rahi

aata hai jee men saaqi-e-mah-wash pe baar baar lab choom luun tira lab-e-paimaana chhod kar

shab ko may khoob si pee subh ko tauba kar li rind ke rind rahe haath se jannat na gaii

baat ulti vo samjhte hain jo kuchh kahtaa hooñ ab ke poocha to ye kah dooñga ki haal achha hai