koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

tumhaare naam ki har ladki se mila hooñ main tumhaara naam faqat tum pe achha lagta hai

nahin lagega use dekh kar magar KHush hai main KHush nahin hooñ magar dekh kar lagega nahin

mile kisi se gire jis bhi jaal par mere dost main us..ko chhod chuka uske haal par mere dost zameen par sabka muqaddar to mere jaisa nahin kisi ke saath to hogaa vo call par mere dost

main bhi bahut ajeeb hooñ itnaa ajeeb hooñ ki bas KHud ko tabaah kar liya aur malaal bhi nahin

tamaam din ke dukhon ka hisaab karna hai main chahta hooñ koii mere aas-paas na ho

zindagi tere ta’qqub men ham itnaa chalte hain ki mar jaate hain

nazar bacha ke guzarte ho to guzar jaao main aaina hooñ meri apni zimmedaari hai

vo sar bhi kaat deta to hota na kuchh malaal afsos ye hai us ne meri baat kaat dii

is bulan dii pe bahut tanhaa hooñ kaash main sab ke barabar hota