tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

Ham ne us ko itnaa dekha jitnaa dekha ja sakta tha lekin phir bhi do aankhoñ se kitnaa dekha ja sakta tha

ham vo hain jo KHuda ko bhool ga.e tum meri jaan kis gumaan men ho

bansi sab sur tyaage hai ek hi sur men baaje hai haal na poochho mohan ka sab kuchh radhe radhe hai

kisi ko ghar se nikalte hi mil gaii manzil koi hamaari tarah umr bhar safar men raha

nazar bacha ke guzarte ho to guzar jaao main aaina hooñ meri apni zimmedaari hai

kaash aisa koi manzar hota mere kaandhe pe teraa sar hota

jama karta jo main aa.e hue sang sar chhupaane ke li.e ghar hota

tamaam din ke dukhon ka hisaab karna hai main chahta hooñ koii mere aas-paas na ho

is bulan dii pe bahut tanhaa hooñ kaash main sab ke barabar hota