sochun to saari umr mohabbat men kat gaii dekhooñ to ek shaKHs bhi meraa nahin hua

mehrbaan ham pe har ik raat hua karti thii aankh lagte hi mulaqaat hua karti thii hijr ki raat hai aur aankh men aansoo bhi nahin aise mausam men to barsaat hua karti thii

mas'ala ye nahin ki ishq hua hai ham ko mas'ala ye hai ki izhaar kiya jaana hai

bade naadaan ho tum bhi zara samjha karo baatein gale milkar jo roti hai bichhadkar kitna royegi

maine jo kuchh bhi socha hua hai main vo vaqt aane pe kar jaaunga tum mujhe zahar lagte ho aur main kisi din tumhein pee ke mar jaaunga

makaan hai qabr jise log KHud banaate hain main apne ghar men hooñ ya main kisi mazaar men hooñ

ham bhi muneer ab duniyaadaari kar ke vaqt guzaarenge hote hote jeene ke bhi laakh bahaane aa jaate hain

KHvaab hote hain dekhne ke li.e un men ja kar magar raha na karo

vaqt kis tezi se guzra roz-marra men muneer aaj kal hota gaya aur din hawa hote ga.e

main to muneer aaiine men KHud ko tak kar hairaan hua ye chehra kuchh aur tarah tha pahle kisi zamaane men