tariqe aur bhi hain is tarah parkha nahin jaata charaaghon ko hawa ke saamne rakha nahin jaata mohabbat faisla karti hai pahle chand lamhon men jahaan par ishq hota hai vahaañ socha nahin jaata

main bhi ik shakhs pe ik shart laga baitha tha tum bhi ik roz isee khel men haaroge mujhe eed ke din ki tarah tumne mujhe zaayaa' kiya main samajhta tha muhabbat se guzaaroge mujhe

ye pyaar teri bhool hai qubool hai main sang hooñ tu phool hai qubool hai tu roothegi to main manaaunga nahin jo rule hai vo rule hai qubool hai

ek nazar dekhte to jaao mujhe kab kaha hai gale lagao mujhe tumko nuskha bhi likh ke de doonga zakhm to theek se dikhaao mujhe

apne dil men takaza hamko aur gale se lagaaoge hamko ham nahin itne pyaar ke qaabil tum to paagal banaoge hamko

aasaan kis qadar hai samajh lo meraa pata bastii ke baad pehla jo veeraana aayega

aap kya aa.e ki ruksat sab andhere ho ga.e is qadar ghar men kabhi bhi raushni dekhi na thii