vo nahin meraa magar us se mohabbat hai to hai ye agar rasmon rivaajon se baghaavat hai to hai

nikaal laaya hooñ ek pinjare se ik parinda ab is parinde ke dil se pinjra nikaalna hai

zindagi bhar ke li.e dil pe nishaani pad jaa.e baat aisi na likho likh ke mitaani pad jaa.e

rakh ke har cheez bhoolne waali la teraa dil sanbhaal kar rakh doon

pyaas agar meri bujha de to main jaanu varna tu samandar hai to hogaa mere kis kaam ka hai

har fareb-e-gham-e-duniya se khabardaar to hai teraa deewaana kisi kaam men hushiyaar to hai

kyun intiha-e-hosh ko kahte hain sahodaar khursheed hi kii aakhiri manzil to raat hai

Barq e fanaa bhi khae jahan thokren firaq

tu yaad aaya tere jaur-o-sitam lekin na yaad aa.e mohabbat men ye ma'soomi badi mushkil se aati hai

laai na aison-vaison ko khaatir men aaj tak unchi hai kis qadar tiri neechi nigaah bhi