koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

ye alag baat ki KHaamosh khade rahte hain phir bhi jo log bade hain vo bade rahte hain

shaakhon se toot jaayen vo patte nahin hain ham aandhi se koi kah de ki auqaat men rahe

kuchh baat hai ki hasti mitati nahin hamaari sadiyon raha hai dushman daur e zamaan hamaara

ham bhi dariyaa hain ha men apna hunar maaloom hai jis taraf bhi chal padenge raasta ho jaayega

ye mirii zindagi ye kuchh bhi nahin bojh hai mujh ko dho raha hooñ main

watan ka dulaara gaya aasmaañ ko ki kitnon ka pyaara gaya aasmaañ ko zameen ne sitaare lutaaye falak pe zameen se sanwaara gaya aasmaañ ko

kar ke raushan laakh dii.e dekhe maine dil se mere teergii jaati nahin hai

uljh ke rehta hogaa bas hisaabon men vo jo hai na KHuda sota nahin hogaa

laakh samandar hai meri aankhoñ men phir bhi sab ko main pyaasa lagta hooñ