tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

shaakhon se toot jaayen vo patte nahin hain ham aandhi se koi kah de ki auqaat men rahe

teri soorat se hai aalam men bahaaron ko sabaat teri aankhoñ ke siva duniya men rakha kya hai

hamaare baad tere ishq men naye ladke badan to choomenge zulfen nahin sanvaarenge

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

kal raat jo eendhan ke li.e kat ke giraa hai chidiyon ko bahut pyaar tha us boodhe shajar se

tujh ko kya ilm tujhe haarne waale kuchh log kis qadar sakht nadaamat se tujhe dekhte hain

ye dukh nahin ki andhero se sulh kii hamne malaal ye hai ki ab subah kii talab bhi nahin

us se ik baar to roothoon main usii kii maanind aur meri tarah se vo mujh ko manaane aa.e

qusoor ho to hamaare hisaab men likh jaa.e mohabbaton men jo ehsaan ho tumhaara ho