ab ke ham bichhde to shaayad kabhi KHvaabon men milen jis tarah sukhe hue phool kitaabon men milen

teri aankhoñ men jo ik qatra chhupa hai main hooñ jisne chhup chhup ke teraa dard saha hai main hooñ ek patthar ki jise aanch na aayi tu hai ek aaina ki jo toot chuka hai main hooñ

hamne duniya ki taraf dekha nahin tumko chaaha aur kuchh socha nahin

dar hai ghar men kaise bola jaayega chhodo jo bhi hogaa dekha jaayega main bas uskaa chehra padhkar jaaunga meraa paper sabse achha jaayega

muddaton baad ik shaKHs se milne ke li.e aaina dekha gaya baal sanwaare ga.e

ham tere shauq men yuñ KHud ko ganwa baithe hain jaise bacche kisi tyaohar men gum ho jaayen

jaane kis haal men ham hain ki ha men dekh ke log ek pal ke li.e rukte hain guzar jaate hain

lo phir tere labon pe usii be-vafa ka zikr ahmad faraaz tujh se kaha na bahut hua

aisi taariqiyaan aankhoñ men basi hain ki faraaz raat to raat hai ham din ko jalate hain charaaghh

vo khaar khaar hai shaakh-e-gulaab kii maanind main zakhm zakhm hooñ phir bhi gale lagaaun use