hua hi kya jo vo ha men mila nahin badan hi sirf ek raasta nahin ye pehla ishq hai tumhaara soch lo mere li.e ye raasta naya nahin

kya galat-fahmi men rah jaane ka sadma kuchh nahin vo mujhe samjha to saka tha ki aisa kuchh nahin ishq se bach kar bhi banda kuchh nahin hota magar ye bhi sach hai ishq men bande ka bachta kuchh nahin

ab in jale hue jismoon pe KHud hi saaya karo tumhein kaha tha bataa kar qareeb aaya karo main uske baad mahinon udaas rehta hooñ mazaak men bhi mujhe haath mat lagaaya karo

hazaar ishq karo lekin itnaa dhyaan rahe ki tum ko pahli mohabbat ki baddua na lage

naam pe ham qurbaan the us ke lekin phir ye taur huaus ko dekh ke ruk jaana bhi sab se badi qurbaani thii mujh se bichhad kar bhi vo ladki kitnii KHush KHush rahtii haius ladki ne mujh se bichhad kar mar jaane ki thaanii thii

vaham hota hai ki choone se sanwar jaayegi sochta hooñ jo muqaddar mira zulfen teri

sivaae taaliyon ke kuchh nahin milta ghazalgoi faqat dhanda sukoon ka hai

yaad aayi tire pairo'n ki khanakti paayal aam sa prashn tha sangeet kise kahte hain

khel hi to hai jahaan main uskaa hooñ zindagi ye tweet badlegi kabhi

ishq ko chhod sab chun liya usne phir rakh diya phal ko phir tokri se alag