ye alag baat ki KHaamosh khade rahte hain phir bhi jo log bade hain vo bade rahte hain

shaakhon se toot jaayen vo patte nahin hain ham aandhi se koi kah de ki auqaat men rahe

kaisa dil aur is ke kya gham jee yuñ hi baatein banaate hain ham jee

zameen pe ghar banaya hai magar jannat men rahte hain hamaari khush-naseebi hai ki ham bharat men rahte hain

ye maine kab kaha ki mere haq men faisla kare agar vo mujh se KHush nahin hai to mujhe juda kare main uske saath jis tarah guzaarta hooñ zindagi use to chahiye ki meraa shukriya ada kare

kise khabar thii darakhton ka ye kataav kabhi hamaare halka-e-ahbaab tak bhi aayega

tujh sa hai meri jaan magar tu to nahin hai ye phool teri kitnii kamii poori karega

bahut muddat ke baa'd aayi hai baarish aur us zalim ke paper chal rahe hain

main theek sochta hooñ koii had mere li.e main saaf dekhta hooñ mujhe maar deejie

bichhadne waale men sau aib the magar farhaad vo bad-dimaagh meraa mas'ala samajhta tha