suna hai log use aankh bhar ke dekhte hain so us ke shahar men kuchh din thehar ke dekhte hain

koii chadar vafaa nahin karti vaqt jab kheench-taan karta hai

ab usse dosti hai jisse kal muhabbat thii ab isse zyaada bura vaqt kuchh nahin hai dost

baithe hain chain se kahii j aanaa to hai nahin ham be-gharon ka koi thik aanaa to hai nahin tum bhi ho beete vaqt ke maanind hoo-b-hoo tum ne bhi yaad aanaa hai aanaa to hai nahin

vaqt rehta nahin kahii tik kar aadat is ki bhi aadmi si hai

us se ik baar to roothoon main usii kii maanind aur meri tarah se vo mujh ko manaane aa.e

kal raat jo eendhan ke li.e kat ke giraa hai chidiyon ko bahut pyaar tha us boodhe shajar se

mar bhi jaaun to kahaan log bhula hi denge lafz mere mere hone kii gawaahi denge

dukh to aisa hai ki dil aankh se kat kat ke bahe ek vaa'da hai ki rone nahin deta mujh ko

apne qaateel ki zehaanat se pareshaan hooñ main roz ik maut naye tarz ki ijaad kare