koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

ye alag baat ki KHaamosh khade rahte hain phir bhi jo log bade hain vo bade rahte hain

hamne ab tak gaal bacha ke rakhe hain kya tumne bhi gulaal bacha ke rakhe hain

main agar apni jawaani ke suna doon qisse ye jo launde hain mere paanv dabane lag jaa.e

main chahta hooñ mohabbat meraa vo haal kare ki KHvaab men bhi dobara kabhi majaal na ho

vo tadap jaa.e ishaara koi aisa denaus ko khat likhna to meraa bhi hawala dena

KHud-kushi ke li.e thoda sa ye kaafi hai magar zinda rahne ko bahut zahar piya jaata hai

is raaste men jab koi saaya na paayega ye aakhiri darakht bahut yaad aayega

jawaan ho gaii ik nasl sunte sunte ghazal ham aur ho ga.e boodhe ghazal sunaate hue

har ek raat ko mahtaab dekhne ke li.e main jaagta hooñ tira KHvaab dekhne ke li.e