ye dukkh alag hai ki usse main door ho raha hooñ ye gham juda hai vo KHud mujhe door kar raha hai tere bichhurne par likh raha hooñ main taza ghazlen ye teraa gham hai jo mujh...ko mashhoor kar raha hai

log har mod pe ruk ruk ke sambhalte kyun hain itnaa darte hain to phir ghar se nikalte kyun hain mod hota hai jawaani ka sambhalne ke li.e aur sab log yahiin aa ke fisalte kyun hain

har geet men har baar gaunga tujhe apni ghazal men gunagunaunga tujhe tu eed hai aur tu hi diwali meri main har baras yoonhi manaaunga tujhe

to dekh lena hamaare bacchon ke baal jal dii safed honge hamaari chho dii hui udaasi se saath naslein udaas hongi

har she'r har ghazal pe hai aisi chaap teri tasveer ban rahi hai ik apne aap teri tere li.e kisi ko itnaa deewaana dekha lagne lagii hai mujh ko chaahat bhi paap teri

vo tadap jaa.e ishaara koi aisa denaus ko khat likhna to meraa bhi hawala dena

is raaste men jab koi saaya na paayega ye aakhiri darakht bahut yaad aayega

KHud-kushi ke li.e thoda sa ye kaafi hai magar zinda rahne ko bahut zahar piya jaata hai

kabhi qareeb kabhi door ho ke rote hain mohabbaton ke bhi mausam ajeeb hote hain

har ek raat ko mahtaab dekhne ke li.e main jaagta hooñ tira KHvaab dekhne ke li.e