koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

ham bhi dariyaa hain ha men apna hunar maaloom hai jis taraf bhi chal padenge raasta ho jaayega

tumhein ham bhi sataane par utar aayen to kya hogaa tumhaara dil dukhaane par utar aayen to kya hogaa ha men badnaam karte phir rahe ho apni mehfil men agar ham sach bataane par utar aayen to kya hogaa

shaakhon se toot jaayen vo patte nahin hain ham aandhi se koi kah de ki auqaat men rahe

sochun to saari umr mohabbat men kat gaii dekhooñ to ek shaKHs bhi meraa nahin hua

lagana baagh to us men mohabbat bhi zaraa rakhna parindon ke bina koii shajar poora nahin hota

dard men shiddat-e-ehsaas nahin thii pahle zindagi raam ka ban-baas nahin thii pahle

mere honton pe KHaamushi hai bahut in gulaabon pe titliyan rakh de

tum ne sweater buna tha mire naam ka main bhi laaya tha kuchh sardiyaan jungli

tum aasmaan pe jaana to chaand se kehna jahaan pe ham hain vahaañ chaandni bahut kam hai