gulaab KHvaab davaa zahar jaam kya kya hai main aa gaya hooñ bataa intizaam kya kya hai

ik hunar hai jo kar gaya hooñ main sab ke dil se utar gaya hooñ main

is tarah rote hain ham yaad tujhe karte hue jaise tu hota to seene se laga leta ha men

mere aañsu nahin tham rahe ki vo mujhse juda ho gaya aur tum kah rahe ho ki chhodo ab aisa bhi kya ho gaya may-kadon men meri lainein padhte firte hain log maine jo kuchh bhi pee kar kaha falsafa ho gaya

aate aate mira naam sa rah gayaus ke honton pe kuchh kaanpata rah gaya

tumhaari tarah jeene ka hunar aata to phir shaayad makaan apna vahii rakhte pata tabdeel kar lete

tumhaare saath chalne par jo dil raazi nahin hota bahut pahle ham apna faisla tabdeel kar lete

agar main suraj ke saath dhalne se bach gaya to kahaan guzaaroonga shaam socha hua hai maine

mirii raushni tire khadd-o-khaal se mukhtalif to nahin magar tu qareeb aa tujhe dekh luun tu vahii hai ya koi aur hai

kabhi ishq karo aur phir dekho is aag men jalte rahne se kabhi dil par aanch nahin aati kabhi rang KHaraab nahin hota