tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

Ham ne us ko itnaa dekha jitnaa dekha ja sakta tha lekin phir bhi do aankhoñ se kitnaa dekha ja sakta tha

kisi ko ghar se nikalte hi mil gaii manzil koi hamaari tarah umr bhar safar men raha

mujh se mat poochho ke us shaKHs men kya achha hai achchhe achhon se mujhe meraa bura achha hai kis tarah mujh se muhabbat men koi jeet gaya ye na kah dena ke bistar men badaa achha hai

ye alag baat ki KHaamosh khade rahte hain phir bhi jo log bade hain vo bade rahte hain

agar main suraj ke saath dhalne se bach gaya to kahaan guzaaroonga shaam socha hua hai maine

mirii raushni tire khadd-o-khaal se mukhtalif to nahin magar tu qareeb aa tujhe dekh luun tu vahii hai ya koi aur hai

tumhaare saath chalne par jo dil raazi nahin hota bahut pahle ham apna faisla tabdeel kar lete

kabhi ishq karo aur phir dekho is aag men jalte rahne se kabhi dil par aanch nahin aati kabhi rang KHaraab nahin hota