koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

sochun to saari umr mohabbat men kat gaii dekhooñ to ek shaKHs bhi meraa nahin hua

tariqe aur bhi hain is tarah parkha nahin jaata charaaghon ko hawa ke saamne rakha nahin jaata mohabbat faisla karti hai pahle chand lamhon men jahaan par ishq hota hai vahaañ socha nahin jaata

use kisi se mohabbat thii aur vo main nahin tha ye baat mujhse zyaada use rulaati thii

ye dukkh alag hai ki usse main door ho raha hooñ ye gham juda hai vo KHud mujhe door kar raha hai tere bichhurne par likh raha hooñ main taza ghazlen ye teraa gham hai jo mujh...ko mashhoor kar raha hai

zindagi par likh diya tha naam maine raam ka aur phir dukh ke samundar paar saare ho ga.e

ik dafa choo li thii teri ungliyaan le kar aaya hooñ angoo thii naap ki

hijr ki raatein itni bhari hoti hain jaise chaati par airavat baitha ho

kuchh farq kyun ho mujh men jo raushan hue hain aap jalta nahin hai chaand sitaaron ko dekhkar

ik kamre ke kone men ghazlen likhkar shaair poori duniya par chha jaata hai