uski zulfen udaas ho jaa.e is-qadar roshni bhi theek nahin tumne naaraz hona chhod diya itni naarazgi bhi theek nahin

main chahta hooñ mohabbat meraa vo haal kare ki KHvaab men bhi dobara kabhi majaal na ho

bharam rakha hai tere hijr ka varna kya hota hai main rone pe aa jaaun to jharna kya hota hai meraa chhodo main nain thakta meraa kaam yahii hai lekin tumne itne pyaar ka karna kya hota hai

mujh se mat poochho ke us shaKHs men kya achha hai achchhe achhon se mujhe meraa bura achha hai kis tarah mujh se muhabbat men koi jeet gaya ye na kah dena ke bistar men badaa achha hai

hawa chali to uski shawl meri chat pe aa giri ye us badan ke saath meraa pehla raabta hua

unche neeche ghar the bastii men bahut zalzale ne sab barabar kar diye

aaina kab banaoge mujh ko mujh se kis din milaoge mujh ko

ab talak us ko dhyaan ho meraa kya pata ye gumaan ho meraa

choodiyan bech ke vo mere li.e laayi guitar taar chhedu to khanakne ki sadaa aati hai

darakht kaat ke jab thak gaya lakadhara to ik darakht ke saa.e men ja ke baith gaya