Ham ne us ko itnaa dekha jitnaa dekha ja sakta tha lekin phir bhi do aankhoñ se kitnaa dekha ja sakta tha

shaayad mujhe kisi se mohabbat nahin hui lekin yaqeen sab ko dilaata raha hooñ main

gale milnaa na milnaa to teri marzi hai lekin tere chehre se lagta hai teraa dil kar raha hai

main kya kahooñ ke mujhe sabr kyun nahin aata main kya karoon ke tujhe dekhne ki aadat hai

bahut mazaak udaate ho tum ghareebon ka madad to karte ho tasveer kheench lete ho

yaar sab jama hue raat ki khaamoshi men koi ro kar to koi baal banaa kar aaya

roz milne pe bhi lagta tha ki jug beet ga.e ishq men vaqt ka ehsaas nahin rehta hai

ham apni dhoop men baithe hain mushtaaq hamaare saath hai saaya hamaara

ye paani KHaamushi se bah raha hai ise dekhen ki is men doob jaayen

naye deewaanon ko dekhen to khushi hoti hai ham bhi aise hi the jab aa.e the veeraane men