koi deewaana kahtaa hai koi paagal samajhta hai magar dharti ki bechaini ko bas baadal samajhta hai

mujh aisa shaKHs agar qahqahon se bhar jaa.e ye saans letii udaasi to ghut ke mar jaa.e vo mere baad taras jaayega mohabbat ko use ye kehna agar ho sake to mar jaa.e

chup rahte hain chup rahne do raaz batao khole kya baat wafa ki tum karti ho bolo ham kuchh bole kya ulfat to afsaana hai tum karti khoob siyaasat ho ham bhi hain maqbool bahut ab bol kisi ke holen kya

nahin lagega use dekh kar magar KHush hai main KHush nahin hooñ magar dekh kar lagega nahin

teri gali ko chhod ke paagal nahin gaya rassi to jal gaii hai magar bal nahin gaya majnoon ki tarah chhodaa nahin main ne shahar ko ya'ni main hijr kaatne jungle nahin gaya

zindagi meri de do kisi aur ko ab na taqat hai aur hausla bhi nahin

kuchh kitaaben hain bas taq par aur har taraf bikhre yaadon ke saa.e

mire maa baap jannat se nazar rakhte hain mujh par ab mire dil men yatiimon ke li.e ik khaas kona hai

main kaise haar maanoon bin lade ghurbat ke sehra se abhii to gham bhulaane hain khushi ka beej bona hai

jab tez hon hawaaein tum KHud ko thaam lena jo ret par tika hai aisa makaan ho tum