meri tanhaaii dekhenge to hairat hi karenge log mohabbat chhod denge ya mohabbat hi karenge log

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

ye alag baat ki KHaamosh khade rahte hain phir bhi jo log bade hain vo bade rahte hain

mujh ko bhi unhin men se koi ek samajh le kuchh masale hote hain na jo hal nahin hote

mere aañsu nahin tham rahe ki vo mujhse juda ho gaya aur tum kah rahe ho ki chhodo ab aisa bhi kya ho gaya may-kadon men meri lainein padhte firte hain log maine jo kuchh bhi pee kar kaha falsafa ho gaya

uljh jaati hooñ akshar aaiine se main taqaabul men jo KHud ko dekhti hooñ aks teraa hi ubharta hai

ye shaam KHushboo pahan ke teri dhali hai mujh men jo reza reza main qatra qatra pighal rahi hooñ KHamosh shab ke samandaron men

gul kabhi khwaab men dikha tha ik zakhm palkon pe khil rahe hain ab

chala doon ik muqadama gar kahii mil jaa.e phir se ki meraa qatl karke laapata hai zindagaani

zindagi mustaqil vabaal rahi har ghadi thii zawaal ki soorat