tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

kisi ko ghar se nikalte hi mil gaii manzil koi hamaari tarah umr bhar safar men raha

ham vo hain jo KHuda ko bhool ga.e tum meri jaan kis gumaan men ho

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

shaakhon se toot jaayen vo patte nahin hain ham aandhi se koi kah de ki auqaat men rahe

zindagi mustaqil vabaal rahi har ghadi thii zawaal ki soorat

khil rahe hain aajkal jo meri palkon par neend un KHvaabon men hi bikhri padi hogii

ye shaam KHushboo pahan ke teri dhali hai mujh men jo reza reza main qatra qatra pighal rahi hooñ KHamosh shab ke samandaron men

zindagi rukh par jo tere chhaai hai yah khaamoshi aa ise main cheer doon paazeb ki jhankaar se

subah ki pahli azaan men sun rahi hooñ naam teraa aajkal main mandiron ki ghantiyaan bhi kab bhala itni madhur lagti theen mujh...ko