tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

kisi ko ghar se nikalte hi mil gaii manzil koi hamaari tarah umr bhar safar men raha

ham vo hain jo KHuda ko bhool ga.e tum meri jaan kis gumaan men ho

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

mujh se mat poochho ke us shaKHs men kya achha hai achchhe achhon se mujhe meraa bura achha hai kis tarah mujh se muhabbat men koi jeet gaya ye na kah dena ke bistar men badaa achha hai

khil rahe hain aajkal jo meri palkon par neend un KHvaabon men hi bikhri padi hogii

zindagi rukh par jo tere chhaai hai yah khaamoshi aa ise main cheer doon paazeb ki jhankaar se

uljh jaati hooñ akshar aaiine se main taqaabul men jo KHud ko dekhti hooñ aks teraa hi ubharta hai

ye shaam KHushboo pahan ke teri dhali hai mujh men jo reza reza main qatra qatra pighal rahi hooñ KHamosh shab ke samandaron men

kaise kahooñ duniya hai ye insaano ki insaaniyat rusva hai jab har soon yahaañ