kuchh to hawa bhi sard thii kuchh tha tira khayal bhi dil ko khushi ke saath saath hota raha malaal bhi

man men ek iraada hota hai taabish raja pahle pyaada hota hai taabish maanta hooñ majbooriyaan theen kuchh dikkat thii par vaa'da to vaa'da hota hai taabish

juda hue hain bahut log ek tum bhi sahi ab itni baat pe kya zindagi haraam karen

phaile hain qatre os ke ghar men roya hoon man masos ke ghar men maine palken bichaaii theen lekin chaand utara pados ke ghar men

teraa milnaa khushi ki baat sahi tujh se mil kar udaas rehta hooñ

meri pahli nazar lautaa de mujh ko teri jaanib dobaara dekhna hai

jo mohabbat lutaaya karte the vo taraazu khareed laaye hain

tasalli de rahe hain chaaragar ko samajh lo haal hai kaisa hamaara

shah-savaaron ne raushni maangi main ne baisaakhiyaan jala daaliin

kamra khola to aankh bhar aayi ye jo KHushboo hai jism thii pahle