gale milnaa na milnaa to teri marzi hai lekin tere chehre se lagta hai teraa dil kar raha hai

baat hi kab kisi ki maani hai apni hath poori kar ke chhodogi ye kalaaee ye jism aur ye kamar tum suraahi zaroor toḍogi

baat karo roothe yaaron se sannaaton se dar jaate hain pyaar akelaa jee leta hai dost akelaa mar jaate hain

bade naadaan ho tum bhi zara samjha karo baatein gale milkar jo roti hai bichhadkar kitna royegi

teri aankhoñ men jo ik qatra chhupa hai main hooñ jisne chhup chhup ke teraa dard saha hai main hooñ ek patthar ki jise aanch na aayi tu hai ek aaina ki jo toot chuka hai main hooñ

kis darja dilshikan the mohabbat ke haadse ham zindagi men phir koii armaan na kar sake

abhii na chhed mohabbat ke geet ai mutarib abhii hayaat ka maahol khushgawaar nahin

bas ab to daaman-e-dil chhod do bekar umeedo bahut dukh sah li.e maine bahut din jee liya maine

naala hooñ main bedaari-e-ehsaas ke haathon duniya mire afkaar ki duniya nahin hoti

abhii zinda hooñ lekin sochta rehta hooñ khilwat men ki ab tak kis tamannaa ke sahaare jee liya main ne