koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

muddatein guzar gayi hisaab nahin kiyana jaane ab kiske kitne rah ga.e ham

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

bade naadaan ho tum bhi zara samjha karo baatein gale milkar jo roti hai bichhadkar kitna royegi

tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

hooñ yuñ toota nahin tha jaanta main mujhe meri hañsi se KHush laga main use milnaa to tha bebaak hokar vo aayi saamne to bich gaya main

prem ki baat jab bhi hoti hai dil men ik bedili si hoti hai tum jo so paao to bataa dena chain ki neend kaisi hoti hai

jo andar men hai jaarii jang hooñ main bataaun kya ki kitna tang hooñ main vahii tu jo pehanti hi nahin hai usii burqe ka kaala rang hooñ main

khatm aise hui kahaanii dost uski ammi nahin thii maani dost

ye jo dhalti hui jawaani hai har naye saal ki kahaanii hai dekh aañkhen meri bataa mujh...ko is men kis naam ki nishaani hai