ham vo hain jo KHuda ko bhool ga.e tum meri jaan kis gumaan men ho

mujh se mat poochho ke us shaKHs men kya achha hai achchhe achhon se mujhe meraa bura achha hai kis tarah mujh se muhabbat men koi jeet gaya ye na kah dena ke bistar men badaa achha hai

shaakhon se toot jaayen vo patte nahin hain ham aandhi se koi kah de ki auqaat men rahe

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

teri soorat se hai aalam men bahaaron ko sabaat teri aankhoñ ke siva duniya men rakha kya hai

putaliyon men ghula samandar hai motiyon ki dukaan aañkhen hain aap tahqeeq hi nahin karte sab khazaano ki khaan aañkhen hain

vo ik nadi jo kabhi tez-tez bahti thii vo aaj ret ke maidaan si bichi hui hai main ik darqat tha ashraf kisi zamaane men khizan ke kehar se ab thooth hi bachi hui hai

hai naaz mujh...ko aap mere raabte men hain mere bhi hisse aa gaye kuchh shaandaar log zindadili ka zikr kahii ho raha ho to sunte hi yaad aate hain bachpan ke yaar log

saari duniya ko ajnabi karke khush hooñ khilvat se dosti karke

udaasi rukh pe phir chhaane lagii hai tumhaari yaad phir aane lagii hai