kisi gali men kiraye pe ghar liya usne phir us gali men gharo ke kiraye badhne lage

tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

hosh waalon ko khabar kya be-khu dii kya cheez hai ishq kijeye phir samjhiye zindagi kya cheez hai

hamko dil se bhi nikala gaya phir shahar se bhi hamko patthar se bhi maara gaya phir zehar se bhi

Ham ne us ko itnaa dekha jitnaa dekha ja sakta tha lekin phir bhi do aankhoñ se kitnaa dekha ja sakta tha

vo ik nadi jo kabhi tez-tez bahti thii vo aaj ret ke maidaan si bichi hui hai main ik darqat tha ashraf kisi zamaane men khizan ke kehar se ab thooth hi bachi hui hai

putaliyon men ghula samandar hai motiyon ki dukaan aañkhen hain aap tahqeeq hi nahin karte sab khazaano ki khaan aañkhen hain

filhaal mere gham ki davaa kuchh bhi nahin hai sab theek nahin aur hua kuchh bhi nahin hai tum bhi vahii ham bhi vahii haalaat vahii hain har baat puraani hai naya kuchh bhi nahin hai

roz khota hooñ khyaalon men tumhaari jaanaan roz dhundhli hui tasveer ubhar aati hai

saari duniya ko ajnabi karke khush hooñ khilvat se dosti karke