Ham ne us ko itnaa dekha jitnaa dekha ja sakta tha lekin phir bhi do aankhoñ se kitnaa dekha ja sakta tha

mujh se mat poochho ke us shaKHs men kya achha hai achchhe achhon se mujhe meraa bura achha hai kis tarah mujh se muhabbat men koi jeet gaya ye na kah dena ke bistar men badaa achha hai

jo apna hissa bhi auron men baant deta hai ik aise shaKHs ke hisse men aa ga.e the ham

tere vaade se pyaar hai lekin apni ummeed se nafrat hai pahli ghalti to ishq karna thii shayari doosri himaqat hai

ya'ni ki ishq apna mukammal nahin hua gar main tumhaare hijr men paagal nahin hua vo shakhs saalon baad bhi kitna haseen hai vo rang canvas pe kabhi dal nahin hua

meri jaanib na badhna ab mohabbat main ab pahle se mushkil raasta hooñ

main bahut jald laut aaunga tum mira intizaar mat karna

jahaan jo tha wahin rahna tha us ko magar ye log hijrat kar rahe hain

ishq tu ne badaa nuksaan kiya hai meraa main to us shaKHs se nafrat bhi nahin kar saka

main daud daud ke KHud ko pakad ke laata hooñ tumhaare ishq ne bachcha banaa diya hai mujhe