koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

sochun to saari umr mohabbat men kat gaii dekhooñ to ek shaKHs bhi meraa nahin hua

mat pooch ki kya haal hai meraa tere peeche tu dekh ki kya rang hai teraa mere aage

hazaar ishq karo lekin itnaa dhyaan rahe ki tum ko pahli mohabbat ki baddua na lage

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

meri jaanib na badhna ab mohabbat main ab pahle se mushkil raasta hooñ

jahaan jo tha wahin rahna tha us ko magar ye log hijrat kar rahe hain

kitna dushwaar hai jazbon ki tijaarat karna ek hi shaKHs se do baar mohabbat karna jis ko tum chaaho koi aur na chahe us ko is ko kahte hain mohabbat men siyaasat karna

main bahut jald laut aaunga tum mira intizaar mat karna

main kuchh din se achaanak phir akela pad gaya hooñ naye mausam men ik vehshat puraani kaatti hai