shaakhon se toot jaayen vo patte nahin hain ham aandhi se koi kah de ki auqaat men rahe

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

poochte hain vo ki ghalib kaun hai koi batlaao ki ham batlaayein kya

yuñ jo takta hai aasmaan ko tu koi rehta hai aasmaan men kya

us ko ruksat to kiya tha mujhe maaloom na tha saara ghar le gaya ghar chhod ke jaane vaala

ghee misri bhi bhej kabhi akhbaaron men kaii dinon se chaai hai kadvi ya allah

zindagi ka muqaddar safar-dar-safar aakhiri saans tak be-qaraar aadmi

jo ho ik baar vo har baar ho aisa nahin hota hamesha ek hi se pyaar ho aisa nahin hota

girja men mandiron men azaanon men bat gaya hote hi subh aadmi khaanon men bat gaya