kisi ko ghar se nikalte hi mil gaii manzil koi hamaari tarah umr bhar safar men raha

gale milnaa na milnaa to teri marzi hai lekin tere chehre se lagta hai teraa dil kar raha hai

mujh se mat poochho ke us shaKHs men kya achha hai achchhe achhon se mujhe meraa bura achha hai kis tarah mujh se muhabbat men koi jeet gaya ye na kah dena ke bistar men badaa achha hai

shaakhon se toot jaayen vo patte nahin hain ham aandhi se koi kah de ki auqaat men rahe

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

bas ab to daaman-e-dil chhod do bekar umeedo bahut dukh sah li.e maine bahut din jee liya maine

phir kho na jaayen ham kahiin duniya kii bheed men milti hai paas aane kii mohlat kabhi kabhi

abhii na chhed mohabbat ke geet ai mutarib abhii hayaat ka maahol khushgawaar nahin

dulhan banii hui hain raahen jashn manao saal-e-nau ke

abhii zinda hooñ lekin sochta rehta hooñ khilwat men ki ab tak kis tamannaa ke sahaare jee liya main ne