hua hi kya jo vo ha men mila nahin badan hi sirf ek raasta nahin ye pehla ishq hai tumhaara soch lo mere li.e ye raasta naya nahin

muddaton baad ik shaKHs se milne ke li.e aaina dekha gaya baal sanwaare ga.e

koi shahar tha jiski ek gali meri har aahat pahchaanti thii mere naam ka ik darwaaza tha ik khidki mujh...ko jaanti thii

gulaab KHvaab davaa zahar jaam kya kya hai main aa gaya hooñ bataa intizaam kya kya hai

bade naadaan ho tum bhi zara samjha karo baatein gale milkar jo roti hai bichhadkar kitna royegi

ik awwal darje ka paak ik maahir hai man to tujh men ramta hai dil kaafir fir hai apni socho qatl tumhein karna bhi hai bande ka to kya hai banda haazir hai

tooti cheezon ko badal den tha behtar varna tu jo chahta to dobara banaa leta ha men is tarah rote hain yaad karte hue ham tujhe jaise tu hota to seene se laga leta ha men

tooti cheezein ko badal dena tha behtar varna tu agar chahta dobara banaa leta ha men

main bhool chuka hooñ ki ye vanvaas hai zakan hai is vaqt mere saamne sone ka hiran hai main dhyaan se kuchh sun hi nahin paaooñga sarkaar main kya hi bataaun ki meraa dhyaan magan hai

yuñ be-tarteeb zaKHmon ne bataaya raaz qaatil ka saleeke se jo meraa qatl gar hota to kya hota