mehrbaan ham pe har ik raat hua karti thii aankh lagte hi mulaqaat hua karti thii hijr ki raat hai aur aankh men aansoo bhi nahin aise mausam men to barsaat hua karti thii

tariqe aur bhi hain is tarah parkha nahin jaata charaaghon ko hawa ke saamne rakha nahin jaata mohabbat faisla karti hai pahle chand lamhon men jahaan par ishq hota hai vahaañ socha nahin jaata

ham to kuchh der hañs bhi lete hain dil hamesha udaas rehta hai

kya bola mujhe KHud ko tumhaara nahin kehna ye baat kabhi mujhse dobara nahin kehna ye hukm bhi us jaan se pyaare ne diya hai kuchh bhi ho mujhe jaan se pyaara nahin kehna

yaaro kuchh to zikr karo tum us ki qayamat baanhon ka vo jo simtate honge un men vo to mar jaate honge

na intizaar karo inka ai aza-daaro shaheed jaate hain jannat ko ghar nahin aate

shikaayat us se nahin apne aapse hai mujhe vo be-vafa tha to main aas kyun laga baitha

shaam se pahle tiri shaam na hone dooñga zindagi main tujhe naakaam na hone dooñga

vo kyun na roothta maine bhi to KHataa kii thii bahut khayal rakha tha bahut vafaa kii thii

subah kii sair kii karta hooñ tamannaa shab bhar din nikalta hai to bistar men pada rehta hooñ