maana ki teri deed ke qaabil nahin hooñ main tu miraa shauq dekh miraa intizaar dekh

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

raatein kisi yaad men kattee hain aur din daftar kha jaata hai dil jeene par mael hota hai to maut ka dar kha jaata hai sach poochho to tahzeeb haafi main aise dost se aaziz hooñ milta hai to baat nahin karta aur phone pe sar kha jaata hai

main kya kahooñ ke mujhe sabr kyun nahin aata main kya karoon ke tujhe dekhne ki aadat hai

mar chuka hai dil magar zinda hooñ main zahar jaisi kuchh dawaayein chahiye poochhte hain aap aap achchhe to hain jee main achha hooñ duaaein chahiye

na intizaar karo inka ai aza-daaro shaheed jaate hain jannat ko ghar nahin aate

shikaayat us se nahin apne aapse hai mujhe vo be-vafa tha to main aas kyun laga baitha

vo kyun na roothta maine bhi to KHataa kii thii bahut khayal rakha tha bahut vafaa kii thii

shaam se pahle tiri shaam na hone dooñga zindagi main tujhe naakaam na hone dooñga