sair kar duniya ki ghaafil zindagaani phir kahaan zindagi gar kuchh rahi to ye jawaani phir kahaan

uski zulfen udaas ho jaa.e is-qadar roshni bhi theek nahin tumne naaraz hona chhod diya itni naarazgi bhi theek nahin

himmat taakat pyaar bharosa jo hai sab insey hi hai kuchh number hain jin par maine akshar phone lagaaya hai

mujh ko bhi unhin men se koi ek samajh le kuchh masale hote hain na jo hal nahin hote

mere honton pe apni pyaas rakh do aur phir socho ki is ke baa'd bhi duniya men kuchh paana zaroori hai

ye aashiqi tire bas ki nahin so rahne de ki teraa kaam to bas na-sipaas hona hai

azal se meri hifazat ka farz hai un par sabhi dukhon ko mere aas-paas hona hai

kuchh is ada se mohabbat-shanaas hona hai khushi ke baab men mujh ko udaas hona hai

mujh ko beemaar karegi tiri aadat ik din aur phir tujh se bhi achha nahin ho paaooñga

main aaj sog manana sikhaane vaala hooñ idhar ko aayen jinhen mahv-e-yaas hona hai