le de ke apne paas faqat ik nazar to hai kyun dekhen zindagi ko kisi ki nazar se ham

ilaaj apna karate phir rahe ho jaane kis kis se mohabbat kar ke dekho na mohabbat kyun nahin karte

tum un ke wa'de ka zikr un se kyun karo ghalib ye kya ki tum kaho aur vo kahein ki yaad nahin

teri gali ko chhod ke paagal nahin gaya rassi to jal gaii hai magar bal nahin gaya majnoon ki tarah chhodaa nahin main ne shahar ko ya'ni main hijr kaatne jungle nahin gaya

padi rahne do insaano ki laashen zameen ka bojh halka kyun karen ham

ilaahi ek gham-e-rozgaar kya kam tha ki ishq bhej diya jaan-e-mubtala ke li.e

haaye koi davaa karo haaye koi dua karo haaye jigar men dard hai haaye jigar ko kya karoon

saari duniya ko hai galat-fahmi mujh pe tu mehrbaan hai pyaare

jis ne is daur ke insaan ki.e hain paida vahii meraa bhi KHuda ho mujhe manzoor nahin

dekha jo kha ke teer kameen-gaah ki taraf apne hi doston se mulaqaat ho gaii