dekho ham koi wahshi nahin deewane hain tumse button khulwane nahin lagwane hain

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

poochte hain vo ki ghalib kaun hai koi batlaao ki ham batlaayein kya

mar chuka hai dil magar zinda hooñ main zahar jaisi kuchh dawaayein chahiye poochhte hain aap aap achchhe to hain jee main achha hooñ duaaein chahiye

raatein kisi yaad men kattee hain aur din daftar kha jaata hai dil jeene par mael hota hai to maut ka dar kha jaata hai sach poochho to tahzeeb haafi main aise dost se aaziz hooñ milta hai to baat nahin karta aur phone pe sar kha jaata hai

kal raat jo eendhan ke li.e kat ke giraa hai chidiyon ko bahut pyaar tha us boodhe shajar se

ye kya ki vo jab chahe mujhe cheen le mujh se apne li.e vo shaKHs tadpata bhi to dekhooñ

us se ik baar to roothoon main usii kii maanind aur meri tarah se vo mujh ko manaane aa.e

ye dukh nahin ki andhero se sulh kii hamne malaal ye hai ki ab subah kii talab bhi nahin

us ne jaltee hui peshaani pe jab haath rakha rooh tak aa gaii taaseer masihaai ki