man men ek iraada hota hai taabish raja pahle pyaada hota hai taabish maanta hooñ majbooriyaan theen kuchh dikkat thii par vaa'da to vaa'da hota hai taabish

phaile hain qatre os ke ghar men roya hoon man masos ke ghar men maine palken bichaaii theen lekin chaand utara pados ke ghar men

main agar apni jawaani ke suna doon qisse ye jo launde hain mere paanv dabane lag jaa.e

ab hawaaein hi karengi raushni ka faisla jis diye men jaan hogii vo diya rah jaayega

tumhaare paanv qasam se bahut hi pyaare hain KHuda kare mere bacchon ki in men jannat ho

kal raat jo eendhan ke li.e kat ke giraa hai chidiyon ko bahut pyaar tha us boodhe shajar se

us se ik baar to roothoon main usii kii maanind aur meri tarah se vo mujh ko manaane aa.e

apne qaateel ki zehaanat se pareshaan hooñ main roz ik maut naye tarz ki ijaad kare

kis tarah mirii rooh hari kar gaya aaKHir vo zahar jise jism men khilte nahin dekha

ladkiyon ke dukh ajab hote hain sukh us se ajeeb hañs rahi hain aur kaajal bheegta hai saath saath