shaakhon se toot jaayen vo patte nahin hain ham aandhi se koi kah de ki auqaat men rahe

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

teri soorat se hai aalam men bahaaron ko sabaat teri aankhoñ ke siva duniya men rakha kya hai

sochun to saari umr mohabbat men kat gaii dekhooñ to ek shaKHs bhi meraa nahin hua

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

sabhi armaan se jaayega ik din banaai shaan se jaayega ik din kisi ko toot kar ke chahta hai vo ladka jaan se jaayega ik din

kisi ko yaad har pal kar raha hooñ yaqeenan ye musalsal kar raha hooñ mukammal ho nahin paai muhabbat so ab ghazlein mukammal kar raha hooñ

tumhaare vaaste hamne hazaaron thokren khaai magar tumse mili hamko judaai aur tanhaaii

nahin hai paas tu mere abas lagti hain sab baatein teraa deedaar ho jaata tasalli dil ko mil jaati

kaise badlegi dasha evam disha is desh kii chun rahe neta yuva jab qaafilon ko dekhkar